लुम्बिनी प्रदेशसभामा दुई सांसदमाथि एमालेले गरेको कारवाही अमान्य हुने भएको छ ।
सांसदद्वय अजय शाही र विमला खत्री वलीमाथि एमालेले गरेको कारवाही अमान्य हुने प्रदेश सभा सचिवालयले जनाएको छ ।
आइतबार प्रदेश सभा सचिवालयले दुवै सांसदलाई पदमुक्त गर्ने आधार नभएको भन्दै पदमुक्तको सूचना जारी गर्न नमिल्ने पत्र पठाएको छ ।
प्रदेश सरकारमा बिना विभागीय मन्त्री अजय शाही र सांसद् विमला वली खत्रीलाई पदमुक्त गर्न नेकपा एमालेले सभामुख पूर्णबहादुर घर्तीलाई पत्र बुझाएको थियो ।
एमालेबाट निर्वाचित भएपनि पार्टी निर्णय विपरित विपक्षी गठबन्धनलाई सघाएको भन्दै कारबाही गर्न थालिएको थियो ।
प्रतिक्रिया दिनुहोस्
