नेकपा (एमाले)ले स्थायी कमिटी बैठक बोलाएको छ । बैठक मंगलबार बिहान १० बजे बस्ने एमाले प्रवक्ता प्रदीप ज्ञवालीले जानकारी दिए ।
आज सोमबार एमाले अध्यक्ष केपी शर्मा ओलीको निवासमा छलफलका लागि पुगेका नेताहरुसँगको छलफलपछि बैठक बोलाइएको हो ।
एमाले विभाजन हुनुअगावै माधवकुमार नेपाल पक्षमा रहेका तर विभाजन भइसकेपछि नेपाल समूहमा नगएका स्थायी कमिटी सदस्यहरु एमाले एकताका लागि भन्दै अध्यक्ष केपी शर्मा ओली निवास बालकोट पुगेका थिए ।
भीम रावल, घनश्याम भुसाल, गोकर्ण विष्टलगायतका नेताहरु एमाले एकताका लागि भन्दै बालकोट पुगेका हुन् ।
मंगलबार बिहान बोलाइएको स्थायी कमिटी बैठकमा तेस्रो धारमा रहेका नेताहरु पनि उपस्थित हुने प्रवक्ता ज्ञवालीले बताए ।
प्रतिक्रिया दिनुहोस्
