बागलुङ- बागलुङ पश्चिम ढोरपाटनमा हत्या आरोपमा तीन जना पक्राउ परेका छन् । ढोरपाटन नगरपालिका-९ भूजीमा ५१ वर्षीय छविलाल कामीको हत्या गरेको आरोपमा स्थानीय तीन जना पक्राउ परेका हुन् ।
एक महिला र दुई पुरुषलाई पक्राउ गरी अनुसन्धान भइरहेको जिल्ला प्रहरी कार्यालय बागलुङका प्रमुख कृष्णपल्ली मगरले जानकारी दिए । प्रहरीले उनीहरुको परिचय खुलाएको छैन ।
२ भदौ रातिदेखि सम्पर्कविहीन भएका कामीको शव मंगलबार फेला परेको थियो । शवको पोस्टमार्टम गरिएको प्रहरीले जानकारी दिएको छ ।
प्रतिक्रिया दिनुहोस्
