काठमाडौँ । प्रदेश १ का मुख्यमन्त्री शेरधन राईले संसदीय दलको नेताबाट राजीनामा दिएका छन् ।
पार्टी एकता भएको भन्दै उनले राजीनामा दिएको उनले बताए ।
त्यस्तै उनले मुख्यमन्त्री पदबाट पनि राजीनामा दिने भएका छन् ।
विगतमा नेपाल-झलनाथ खनाल समूहमा रहेका आचार्य नेकपा एमालेको मुलधारमा रहे पछि पार्टीको आन्तरिक जीवन बचाउन बागमती प्रदेशमा अष्टलक्ष्मी शाक्यलाई प्रदेश मुख्यमन्त्री बनाएको शैलीमा आचार्यलाई पनि मुख्यमन्त्री हस्तान्तरण गर्न खोजिएको हो । सो हस्तान्तरणसँगै प्रदेश १ मा एमाले विभाजनको सम्भावना टर्ने एमाले नेताहरुले जनाएका छन ।
हिजो साँझ एमाले अध्यक्ष केपी शर्मा ओलीकी धर्मपत्नी राधिका शाक्यको जन्मदिन मनाउन बालकोट पुगेको बेला नै अध्यक्ष ओलीको निर्देशनमा राई मुख्यमन्त्रीबाट राजीनामा दिन मञ्जुर भएका हुन् । विराटनगरमा मुख्यमन्त्री राईले राजीनामा दिएर आचार्यलाई मुख्यमन्त्री प्रस्ताव गर्दा भने च्यासलमा एमाले केन्द्रीय कमिटी जारी रहनेछ ।
