पछिल्लो समय नायिका पूजा शर्माको चर्चा सिनेमा क्षेत्रमा बाक्लै हुने गरेको छ । व्यक्तिगत तथा व्यवसायिक दुवै पक्षलाई लिएर चर्चा कमाउने भाग्यमानी नायिका हुन पूजा । भलै चर्चा नकरात्मक होस या सकरात्मक, यतिखेर पूजा आफनो नवप्रेमी युद्ध बानियाँलाई लिएर चर्चामा रहेकी छन् । यी दुईजना केहि दिन अघि बन्जीजम्प गर्न पर्वतको कुश्मा समेत पुगेका थिए ।
कुश्मा पुगेका दुवैले बन्जीजम्प गरेका छन् । यी दुइले त्यहाँ बन्जीजम्प गरेको भिडियो यतिखेर सामाजीक सञ्जालमा भाइरल बनिरहेको छ । पूजाले लुकाए पनि यहि घुमघामले उनीहरुबीच प्रेम रहेको स्पष्ट हुन्छ । बुझिएअनुसार पूजाको चलचित्र करिअरको बारेमा युद्ध निकै चासो राख्ने गर्छन् ।
अभिनेता आकाश श्रेष्ठसंग सम्बन्ध चिसिए पछि पूजा, युद्धसँग नजिक हुन पुगेकी हुन । स्रोतका अनुसार उनी बानियाँसँग विवाहको योजना समेत बनाउन थालेका छन भने यहि वर्ष विवाहको तयारी गरिरहेका छन् । तर पूजाले भने एक भिडियो अन्तर्वार्तामा आफूहरु अहिले साथी मात्र भएको बताएकी छन् ।
@poojasharma833 i know you want me ❤️❤️❤️❤️
