काठमाडाैं- इंग्लिस प्रिमियर लिग (इपिएल) मा म्यान्चेस्टर युनाइटेडले संघर्षपूर्ण जित निकालेको छ । आइतबार राति भएको खेलमा युनाइटेडले उल्भ्समाथि १-० गोलको संघर्षपूर्ण जित निकालेको हो ।
उल्भ्सको मैदानमा युनाइटेडलाई जित दिलाउन मासन ग्रीनउडले निर्णायक गोल गरे । खेलको ८१ औं मिनेटमा ग्रीनउडले गोल गरेका हुन् । उनले डेब्यु खेलाडी राफायल भरानको पासमा सदूपयोग गरे ।
दोस्रो जितसँगै युनाईटेडले तीन खेलमा सात अंकसहित तालिकाको तेस्रो स्थानमा छ । उल्भ्सको यो लगातार तेस्रो हार हो । अंकविहीन उल्भ्स १८ औं स्थानमा छ ।
प्रतिक्रिया दिनुहोस्
