काठमाडौँ । नेपाली कांग्रेसका नेता डा. रामशरण महतले आफू पनि पार्टी सभापतिको उम्मेदवार भएको बताएका छन् ।
बुधबार एक रेडियो कार्यक्रममा बोल्दै नेता महतले आगामी महाधिवेशनका लागि आफू पनि काँग्रेसको सभापतिको उम्मेदवारका रुपमा उठ्ने बताएका हुन् ।
“सभापतिको एउटा उम्मेदवार मै हुँ, अरु साथीहरुको पनि आकांक्षा छ । साथीहरुले मलाई पनि उठ्नुपर्छ भन्दै छन् । तर एक भएर लड्नका लागि दबाब छ । यही उम्मेदवार भन्ने निर्णय भएको छैन । केन्द्रीय समितिको मनोयनन दर्ता गर्न धेरै समय छ । अहिले घोषणा गर्ने बेला भएको छैन ।” उनले भने ।
काँग्रेसका वर्तमान सभापति शेरबहादुर देउवाले सभापतिमा उठ्ने घोषणा गरिसकेका छन् । त्यस्तै अर्का नेता विमलेन्द्र निधिले पनि आफूले उम्मेदवारी दिने बताएका छन् ।
प्रतिक्रिया दिनुहोस्
