काठमाडौँ । नेकपा एमालेका उपाध्यक्ष रहेका वामदेव गौतमले एमालेबाट साथै सम्पूर्ण पदबाट राजीनामा दिएपछि उनी दोस्रोपटक एमालेबाट छुट्टिएका छन् । उनी माधवकुमार नेपालले गठन गरेको नयाँ पार्टी नेकपा एसमा जाने तयारी गरिरहेका छन् ।
उनले शुक्रबार एमालेबाट राजीनामा दिने घोषणा गरेका थिए । नेता गौतम एसमा जाने तयारी गरेको भएतापनि उनको पत्नी तुलसा थापा भने एमालेमा नै रहने बुझिएको छ ।
स्रोतका अनुसार गौतम केहीदिनमा नै नेकपा एसमा प्रवेश हुँदैछन् । २०५४ सालमा एमाले विभाजनमा मुख्य भूमिका खेलेका नेता गौतम नयाँ पार्टीमा महासचिवको रुपमा काम गरेका थिए ।
एमाले फुटाउन माधवकुमार नेपाललाई उक्साएका नेताहरु भने एमालेमै रहेका छन् ।
प्रतिक्रिया दिनुहोस्
