गुल्मी- इस्मा गाउँपालिका-५ को कुमारी निमावि तोडफोड भएको छ । अज्ञात समूहले गत १९ भदौ राति विद्यालयको ढोका फोडेर छ लाख रुपैयाँ बराबरको क्षति गराएको विद्यालयले जनाएको छ ।
कम्प्युटर पाँच थान, फोटोकपी मेसिन एक थान, माइक एक थान, विद्युतीय फिल्टर एक थान फोरेर काम नलाग्ने अवस्थामा रहेको वडा अध्यक्ष कलानिधि भण्डारीले जानकारी दिए । त्यस्तै, विद्यालयका विज्ञान र बाल शैक्षिक सामग्रीहरू सबै फोरिएको छ भने महत्त्वपूर्ण कागजपत्र पनि च्यातिएको छ ।
प्रहरीले मुचुल्का बनाएर थप अनुसन्धानको काम अगाडि बढाएको वडा अध्यक्ष भण्डारीले बताए । जिल्ला प्रहरी कार्यालय गुल्मीका सूचना अधिकारी प्रहरी नायव उपरीक्षक पुरुषोत्तम पाण्डेयले घटना रिसइवीले भएजस्तो देखिए पनि अनुसन्धान र छलफलको काम बाँकी रहेको बताए ।
प्रतिक्रिया दिनुहोस्
