काठमाडौँ । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले एमसीसी पास नहुने घोषणा गरेका छन् ।
मंगलबार पार्टीको सहायक संगठन योङ कम्युनिष्ट लिग नेपाल (वाईसीएल) को बैठकलाई सम्बोधन गर्दै अध्यक्ष प्रचण्डले यस्तो बताएका हुन् ।
उनले एमसीसी पास नगर्ने रणनीतिका साथ अमेरिकालाई कुटनीतिक नोट पठाएको उल्लेख गरेका छन् । एमसीसी पास हुँदैन । ‘यसबारे अमेरिकालाई कुटनीतिक नोट पठाएका छौँ, त्यसको जवाफ आएन । जवाफ नआएपछि एमसीसी पास हुने कुरा हुँदैन ।’
आजको बैठकले वाईसीएलको संयोजकमा सुमन देवकोटालाई चयन गरेको छ । संयोजकमा देवकोटा र सह–संयोजकमा शेर्पालीले जिम्मेवारी पाएका छन् ।
प्रतिक्रिया दिनुहोस्
