प्रतिनिधि सभाको नवौं अधिवेशनलाई निरन्तर अवरोध गर्ने प्रयास गरिरहेको प्रमुख प्रतिपक्षी दल नेकपा एमालेको स्थायी कमिटी बैठक आइतवारलाई सरेको छ ।
एमाले केन्द्रीय कार्यालयले संसदमा निरन्तर अवरोध पुर्याउन खोज्दा पनि सभामुखले अटेरी गरेर बैठक संचालन गरिरहेको निष्कर्षका साथ थप रणनीति तय गर्न आइतवारलाई बैठक सारिएको जानकारी दिएको हो ।
आज शुक्रवार अपराह्न ४ बजेका लागि बैठक डाकिएको थियो । आजको बैठक स्थगित गरेर आइतवारका लागि सारिएको हो ।
आइतवारको बैठकमा संसदमा अझ बढी प्रभावकारी ढंगले कसरी अवरोध पुर्याउने भन्ने विषयमा छलफल हुनेछ ।
संसदको नवौं अधिवेशन शुरू भएयता एमालेले पटक-पटक संसदीय कारवाही अवरुद्ध गर्ने क्रियाकलाप गरेको छ । तर सभामुखले एमालेको अवरोधका बीच पनि सदन संचालन गरिरहेका छन् । एमालेले भने सभामुखलाई आफ्नो पार्टी फुटाएको भन्दै आरोप लगाउने गरेको छ ।
प्रतिक्रिया दिनुहोस्
