काठमाडौं- अन्तर नगरस्तरिय कर्मचारी मैत्रीपूर्ण फुटसल प्रतियोगिता-२०७८ को उपाधि चन्द्रागिरि नगरपालिकाले हात पारेको छ ।
तारकेश्वर नगरपालिकाको आयोजनामा शनिबार तारकेश्वर-१० स्थित जि फोर फुटसल मैदानमा सम्पन्न फाइनल खेलमा चन्द्रागिरि प्रथम भएको हो ।
तारकेश्वर, चन्द्रागिरि, टोखा र कीर्तिपुर नगरपालिकाको सहभागीता रहेको उक्त प्रतियोगितामा चन्द्रागिरि, कीर्तिपुर र टोखा क्रमशः प्रथम, द्वितीय र तृतीय भएका थिए ।
विजयी खेलाडीलाई प्रमाणपत्र वितरण गर्दै टोखा नगर प्रमुख प्रकाश अधिकारी र प्रशासकीय अधिकृत प्रकाश आचार्यले आपसी समन्वय कायम गरी काम गर्न खेलकूद प्रतियोगिताले महत्वपूर्ण सहयोग पुग्ने बताए ।
तारकेश्वर नगर प्रमुख रामेश्वर बोहराले नगर क्षेत्रमा खेलकुद विकास र विस्तारका लागि नगरपालिकाले प्राथमिकता दिएको जानकारी दिए ।
प्रतिक्रिया दिनुहोस्
