थोमस स्टिमन नामका एक व्यक्तिलाई निकृष्ट अपराध गरेको अभियोगमा १० वर्षको जेल सजाय सुनाइएको छ ।
उनले आफ्नो वीर्य सुईमा राखेर केटी पिटर्स नामकी एक महिलालाई घोचेका थिए ।
डेली मेलको समाचार रिपोर्टअनुसार ती व्यक्तिले २०२० को फेब्रुअरीमा उक्त अपराध गरेका थिए ।
अपराधपछाडि उनले पीडित महिलालाई सोधेका थिए, ‘मौरीले टोकेजस्तो हुने रहेछ, हैन त ?’
अमेरिकाको मेरिल्याण्डमा भएको उक्त घटनाको १८ महिनापछि त्यहाँको स्थानीय अदालतले उनलाई दोषी ठहर गर्दै १० वर्षको जेल सजाय सुनाएको हो ।
ती व्यक्ति यस्तै अपराधमा सन् १९९९ मा पनि पक्राउ परेका थिए ।
सन् २०१३ मा उनीविरुद्ध घरायसी हिँसाको केस परेको थियो ।