नागरिक आन्दोलनका अगुवासमेत रहेका लेखक खगेन्द्र संग्रौलाले नेकपा एमालेका उपाध्यक्ष भीम रावल, सचिव योगेश भट्टराई, धनश्याम भुसाल लगायतका एमाले नेताहरु अहिले घर न घाटका भएको बताएका छन् ।
एमाले विभाजन हुन लाग्दा अध्यक्ष केपी शर्मा ओलीलाई साथ नदिएका तर एमाले विभाजन भएपछि ओलीको साथ नछाडेका ती नेताहरुलाई लक्षित गर्दै सामाजीक संजालमार्फत यस्तो व्यंग गरेका हुन् ।
माधवकुमार नेपालको साथ छोडेर केपी शर्मा ओली तिरै फर्किएका यी नेतालाई ओलीले पछिल्लो समय भाउ दिएका छैनन् ।
‘आफैँ इँइँ-मिमी गर्दै, हात मल्दै पाउमा लत्रिने भक्तलाई प्रभुले किन भाउ दिन्थ्यो ?’ संग्रौलाले सोमबार बिहान सामाजिक सञ्जालमा लेखेका छन्, ‘हेर्नोस्त प्रभुद्वारा उपेक्षित रावल, योगेश, घनश्यामादिको बिजोक! न मुन्टो लुकाउने घर छ न घाट जाने बेला भा’छ। आफूलाई कठै भन्दिने आफूबाहेक कोही छैन!’ । उनले ट्वीटमा भनेका छन् ।
