काठमाडौं । नेकपा एमालेले निरन्तर संसद अवरोध गरेपछि देउवा आक्रोशित देखिएका छन् । एमालेले लगातर ३ पटकसम्म पनि संसद चल्न नदिएपछि देउवा आक्रोशित हुँदै गएका हुन् ।
योभन्दा अगाडी बसेको प्रतिनिधिसभाको बैठकपछि पत्रकारले प्रश्न देउवा रिसको मूडमा रहेको संकेत गरेका थिए । पत्रकारले देउवालाई संसद यस्तै पाराले कति दिन चल्छ भन्दा उनले ठाडो रुपमा ओलीलाई सोध्नुस भनेका थिए ।
प्रतिनिधिसभाको आज बसेको बैठकपछि पनि प्रधानमन्त्री देउवा अस्तिको जसरी नै प्रस्तुत भए । संसद् भवनबाट बाहिरिँदै गरेका प्रधानमन्त्री शेरबहादुर देउवाले सञ्चारकर्मीहरुसँग संक्षिप्त प्रतिक्रिया व्यक्त गर्दै हिजो जसरी खर्च भएको थियो त्यसैगरी हुने बताएका हुन् । ‘हिजो जसरी खर्च चल्यो त्यसरी नै चल्छ,’ प्रधानमन्त्री देउवाले भने ।
एमालेले संसद बैठक अवरुद्ध पार्न थालेपछि संसदको काम कारबाही प्रभावित भएको छ ।
