sutra news logo

बुधवार, कार्तिक १० गते २०७८

images

अरविन्द आश्रमले के गर्‍यो यी शिक्षिकालाई ? खुल्यो रहस्य

अरविन्द आश्रमले के गर्‍यो यी शिक्षिकालाई ? खुल्यो रहस्य

images

सुत्र न्यूज

२९ भाद्र २०७८
  • 178
    SHARES
  • images

    काठमाडौं- अरविन्द आश्रमले आफूलाई झुटो आरोप लगाएर फसाउन खोजेको भन्दै एक शिक्षिकाले न्यायको अपिल गरेकी छिन् । मंगलबार रिपोर्टर्स क्लब नेपालमा पत्रकार सम्मेलन गर्दै शिक्षिका यशोधा विश्वकर्माले आफूलाई फसाउन खोजेको बताएकी हुन् । दुई सयभन्दा बढी असहाय बालबालिकाका लागि शिक्षादीक्षा दिँदै आएको अरविन्द आश्रमले आफूलाई झुटो आरोप लगाएर फसाउन खोजेको उनको भनाइ छ ।

    images

    ६ वर्षदेखि आश्रममा कार्यरत शिक्षिका विश्वकर्माले निर्दोष र अवोध बच्चाको विषयमा आफूलाई चोरीको आरोप लगाइएको बताइन् । आश्रममा कोही आफन्त नभएको आकाश भन्ने बालकलाई माया गर्दा प्राध्यापकलगायत कसैलाई मन नपरेकोले आफूमाथि झुटा आरोप लगाएर आश्रमबाट निकाल्न खाजेको उनले स्पष्ट पारिन ।

    नौ वर्षीय बालक आकाश नेपालीलाई आफूसँग भेट्न पनि नदिएको बताउँलै उनले भनिन्, ‘आश्रममा स्वामीको बहिनीको दुई लाख बढी पैसा चोरेको आरोप आकाशमाथि लगाएर म माथि अन्याय गरियो ।’ उनले आफू निर्दोष रहेको बताइन् । यशोधाले भनिन्, ‘आकाशले पैसा चोरेर मलाई पैसा राख्न दिएको अभियोगमा धेरै डर, धम्की दिइयो । तर, म निर्दोष छु, मलाई बच्चाले पैसा राख्न दिएको छैन ।’

    उनले बच्चाहरुको सानो गल्तीमा पनि प्रिन्सीपल लगायतले कुट्ने गरेको समेत आरोप लगाइन् । बच्चाहरुलाई पिसाले भिजेको ओच्छानमा सुताइने गरेको  भिजेको ओच्छानमा सुताइने गरेको, बच्चाहरुलाई पिट्ने गरेको भन्दै आफू गएपछि बच्चाहरुले नयाँ जीवन पाएको उनको भनाइ थियो ।

    आफन्तको बच्चा भएमा राम्रो गर्ने तर आफन्त कोही नपरेमा केयर नगर्ने पनि उनले बताइन् । ‘बच्चाहरुलाई जुम्रा परेर बिजोग हुन्छ । धेरैपटक मैले बच्चाहरुको कपाल खौरेको छु,’ विश्वकर्माले भनिन्, ‘आकाशको खाना झिकेर खाएको आरोपमा प्रिन्सीपलले कुटेर दाँत समेत खुस्केको थियो ।’

    उनले आश्रमका बच्चाहरुमाथि धेरै कुटपिट हुने बताइन् । उनले भनिन्, ‘बच्चाहरुले सामान्य काम बिगार्दा पनि बेस्सरी कुटाई खान्छन् ।’ आफूले धेरै पटक बच्चाहरुलाई नकुट्न आग्रह गरेको समेत उनले बताइन् । विश्वकर्माले आश्रमका बच्चाहरु प्रिन्सिपल लगायत केही कर्मचारीहरुको छाया देखेर पनि डराउने गरेको बताइन् ।


    प्रकाशित :भाद्र २९, २०७८ मंगलवार - १८:१९:१३

    प्रतिक्रिया


    ताजा अपडेट

    images
    विचार सबै
    अन्य समाचार

    Copyright © All right reserved - Sutra Media P. LTD.