काठमाडौं- नेकपा एमाले उपमहासचिव घनश्याम भुसालले एमालेले मान्छेकेन्द्रित विकासमा जोड दिएको बताएका छन् । एमाले रुपन्देहीले बुधबार बुटवलमा आयोजना गरेको अगुवा कार्यकर्ता भेलामा बोल्दै भुसालले यस्तो बताएका हुन् ।
‘हाम्रो मुलुकमा कृषि क्षेत्रको विकासलाई ध्यान दिने बेला आएको छ । कृषिसँगै उद्योगको विकासलाई पनि अगाडि लानुपर्छ । एमालेबिना यो सम्भव छैन । एमाले बिना मुलुकको भविष्य कस्तो हुन्छ ? कसैले सोचेको छ ? यसबारे मिडिया पनि विमर्श गर्न जरुरी छ,’ सांसद्समेत रहेको पूर्वमन्त्री उनले भने, ‘हिजो हामीले के-के गल्ती गर्यौं त्यसबारे एक ठाउँ आएर समीक्षा गर्ने बेला आएको छ । हामीले गाली गर्नलायक पनि कोही छैन । प्रतिस्पर्धा गर्न लायक छैन ।’
उनले पार्टीभित्र र पार्टीबाहिरका दलला पुँजीपतिको अन्त्य गरेपछि मात्र किसान र श्रमजीवी जनताले न्याय पाउनेसमेत बताए ।
प्रतिक्रिया दिनुहोस्
