नेकपा एमालेका महासचिव ईश्वर पोखरलेले सत्ता गठबन्धनलाई अनैतिक शक्तिको संज्ञा दिएका छन् । बिहीबार काठमाडौँमा आयोजना गरिएको एक कार्यक्रममा बोल्दै उनले यस्तो बताएका हुन् ।
सत्ता गठबन्धन र पक्षधर शक्तिहरुले कानूनविपरितका आचरणहरु देखाउन थालेको आरोप लगाए । उनीहरुले राष्ट्रिय स्वाभिमान र स्वतन्त्रलाई कैद गर्न खोजेको उनले उल्लेख गरे । अनैतिक शक्ति हो भएकोले सबैले बुझ्नपर्ने आवश्यक रहेको उनले बताए ।
‘संगठनलाई व्यवस्थित बनाउन जरुरी छ । हामीले भीड होइन शक्ति खोजेका हौं । पार्टीभित्रको सुदृढ एकतालाई ध्यान दिन जरुरी छ । पार्टीको पक्षमा दृढतापूर्वक उभिनुपर्छ । गुटबन्दीमा लागेर पार्टी कमजोर बनाउने, अनास्था फैलाउने, गुटगत गतिविधि स्वीकार्य छैन । एकता मजबुत बनाउन १० बुँदे सहमति गरिएको हो । प्रतिबद्धताबाट नेतृत्व किञ्चित पछि हट्दैन । सुझाव कार्यान्वयन गर्ने हाम्रो प्रतिबद्धता हो,’ उनले भने ।
