काठमाडौं- सरकारले चीनबाट खरिद गरेको ४४ लाख डोज भेरोसेल खोप आज नेपाल आइपुग्दै छ । उक्त खोप ल्याउन नेपाल एयरलाइन्सको वाइडबडी जहाज बिहीबार साँझ त्यसतर्फ प्रस्थान गरेको थियो । निगमका महाप्रबन्धक डिमप्रकाश पौडेलका अनुसार खोप आज दिउँसो २ बजे आइपुग्ने छ ।
स्वास्थ्य तथा जनसङ्ख्या मन्त्रालयका सचिव डा.रोशन पोखरेलले दिएको जानकारीअनुसार चीनसँग खरिद गरिएको उक्त खोप दिउँसो नेपाल आइपुग्ने र केही दिनमा फेरि खोप अभियान सुरु गरिने छ ।
सरकारले ६० लाख डोज खोप खरिद गरेकामा यसअघि १६ लाख डोज नेपाल ल्याइसकिएको छ । नेपालमा अहिलेसम्म १ करोड ३३ लाख खोप आइसकेको छ ।
प्रतिक्रिया दिनुहोस्
