काठमाडौं- युरोपा कन्फ्रेन्स लिग फुटबलमा टोटेनहम बराबरीमा रोकिएको छ । बिहीबार राति भएको खेलमा टोटेनहम रेनससँग २-२ गोलको बराबरीमा रोकिएको हो ।
रेनसको मैदानमा ११ औं मिनेटमा लोसिक बाडेको आत्मघाती गोलबाट टोटेनहमले सुरुवाती अग्रता बनाएको थियो । खेलको २३ औं मिनेटमा फ्लाभिन टेइटले गोल गर्दै रेनसलाई १-१ गोलको बराबरीमा फर्काए ।
खेलको ७२ औं मिनेटमा गेटन लाबोर्डेले गोल गर्दै रेनसलाई २-१ को अग्रता दिलाए । तर,७६ औं मिनेटमा पीएरे इमिलले गोल गर्दै खेल २-२ गोलको बराबरीमा ल्याउदै टोटेनहमलाई हारबाट जोगाए ।
यस बराबरीसँगै समूह जी को टोटेनहमले पहिलो खेलमा १ अंक जोडेको छ । रेनसको पनि १ अंक रहेको छ ।
प्रतिक्रिया दिनुहोस्
