काठमाडौं- अष्ट्रेलियाको मेलवर्नसहित दक्षिणपूर्वी क्षेत्रमा भूकम्प गएको छ । ५.८ म्याग्नेच्युडको भूकम्प गएको अष्ट्रेलयन सञ्चारमाध्यमले जनाएका छन् ।
भूकम्पको धक्का सिड्नी, क्यानबेरा र तास्मेनियासम्म महशुस गरिएको थियो । भूकम्पको केन्द्रबिन्दु भिक्टोरियाको म्यान्सफिल्डमा रहेको बताइएको छ ।
त्यसको केही बेरमा सोही ठाउँमा केन्द्रबिन्दु भएर ४ म्याग्नेच्युडको पराकम्पन गएको थियो ।
भूकम्पका कारण भौतिक सम्पत्तिमा केही क्षति पुगेका खबर आए पनि मानवीय क्षति भने हालसम्म नआएको बताइएको छ ।