काठमाडौँ । प्रधानमन्त्री शेरबहादुर देउवा नेतृत्वको सरकारले अझै पनि मन्त्रिपरिषद विस्तार गर्न नसक्ने भएको छ । सरकार विस्तारबारे छलफल गर्न भन्दै बुधबार बसेको सत्तारूढ गठबन्धनको बैठक मन्त्रिपरिषद् विस्तारका विषयमा अनिर्णीत बनेको हो ।
बैठकमा हालसम्म पनि सरकारले मन्त्रिपरिषद विस्तार गर्न नसकेका कारण आलोचना भएको भन्दै पुष्पकमल दाहाल प्रचण्डले छिट्टै नै मन्त्रीको सूची दिन आग्रह गरेका थिए । नेकपा एकीकृत समाजवादीका अध्यक्ष माधवकुमार नेपालले अदालतमा दल विभाजनसम्बन्धी मुद्दा रहेकाले टुंगो लागेपछि मात्रै नाम दिने बताएका छन् ।
यता जनता समाजवादी पार्टीका अध्यक्ष उपेन्द्र यादवले राजनीतिक दलसम्बन्धी अध्यादेश खारेज नभएसम्म मन्त्रीको नाम नदिने अडान छन् ।
बुधबार नै देउवाले परराष्ट्रमन्त्रीमा आफ्नै दलबाट नेता डा। नारायण खड्कालाई परराष्ट्रमन्त्री बनाएका थिए ।
प्रतिक्रिया दिनुहोस्
