काठमाडौँ । नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्न प्रयास गर्ने एकजनालाई प्रहरीले नियन्त्रणमा लिएको छ । रुकुम पश्चिम मुसिकोट नगरपालिका–११ का २५ वर्षीय खेमबहादुर घर्ती रहेका छन् ।
उनले श्रीपेच रहेकै कोठाबाट खुकुरी निकालेर सिसा फुटाउन प्रयास गरेको प्रहरीको भनाई छ ।
नारायणहिटी दरबार संग्रहालय व्यवस्थापन समितिका कार्यकारी निर्देशक भेषनारायण दाहालका अनुसार उनले श्रीपेच लगायो भने राजा भइन्छ भन्ने हिसाबले श्रीपेच चोर्न लागेका थिए ।
श्रीपेच राखिएको सिसा फुटाउन खोज्ने क्रममा नेपाली सेनाले नियन्त्रणमा लिएर प्रहरीलाई जिम्मा लगाएको छ । महानगरीय प्रहरी परिसर काठमाडौँका वरिष्ठ उपरीक्षक अशोक सिंहले घर्तीलाई लिएर थप अनुसन्धान भइरहेको बताए । अहिले उनलाई प्रहरी वृत दरबारमार्गमा राखेर थप अनुसन्धान भइरहेको छ ।
प्रतिक्रिया दिनुहोस्
