जनकपुरधाम- मोटरसाइकल दुर्घटनामा परी धनुषामा तीन जना युवकको मृत्यु भएको छ ।
जिल्लाको औरही गाउँपालिकाबाट ज ९ प १९८२ नम्बरको मोटरसाइकलमा जनकपुर आउँदै गरेका उनीहरू मोटरसाइकल अनियन्त्रित भई लडेका थिए ।
तीव्र गतिमा रहेको उक्त मोटसाइकल भोइल भन्ने ठाउँमा नहरमा खस्दा दुर्घटना भएको हो । मोटरसाइकलमा सवार तीनै जनाको घटनास्थलमै मृत्यु भएको प्रहरीले जनाएको छ ।
मृतकमध्ये चालक जनकपुरधाम उपमहानगरपालिका-११ का वर्ष २१ का कुनालकुमार साहको सनाखत भएको छ भने दुई जनाको परिचय खुल्न नसकेको धनुषाका प्रहरी प्रवक्ता प्रहरी नायव उपरीक्षक जितेन्द्र बस्नेतले जानकारी दिए ।
मृतकहरूको शव पोस्टमार्टमका लागि जनकपुरस्थित प्रादेशिक अस्पतालमा ल्याइएको छ ।
प्रतिक्रिया दिनुहोस्
