काठमाडौं । प्रमुख प्रतिपक्षी दल नेकपा (एमाले)को विधानको सम्पूर्ण तयारी पुरा भएको छ । महाधिवेशन भोलिदेखि ललितपुरको गोदावरीमा हुँदैछ ।
एमालेले पत्रकार सम्मेलन गरेर विधान महाधिवेशनको सम्पूर्ण तयारी पुरा भएको जनाएको छ ।
अध्यक्ष केपी शर्मा ओलीले उद्घाटन गर्ने उक्त कार्यक्रममा ६ हजार भन्दा बढी प्रतिनिधिहरु सहभागी हुने बताइएको छ ।
भदौ १० गते बसेको एमाले स्थायी कमिटी बैठकले असोज १५ देखि १७ सम्म विधान अधिवेशन गर्ने निर्णय गरेको थियो। विधान महाधिवेशनमा केन्द्रीय कमिटी, प्रदेश कमिटी र विशेष कमिटीका पदाधिकारी तथा सदस्यहरू सहभागी हुनेछन् ।
त्यस्तै जिल्ला कमिटीका पदाधिकारी र सदस्य पनि विधान अधिवेशनमा भाग लिने एमालेले जनाएको छ।
विधान अधिवेशनमा एमाले अध्यक्ष ओलीको राजनीतिक प्रतिवेदन, महासधिव ईश्वर पोखरेलको संगठनात्मक प्रस्ताव र उपमहासचिव एवं संगठन विभाग प्रमुख विष्णु पौडेलको विधान संशोधन प्रस्तावमाथि छलफल हुनेछ। यी तीनवटै प्रस्तावमाथि समूहगत छलफल गराएर सुझावसहित पारित गराइने एमालेले जनाएको छ।
कार्यक्रममा सहभागीहरुलाई विहानको खाना र दिउँसोको खाजा महाधिवेशन स्थलमा नै व्यवस्था गरिएको छ । हरेक दिन विहान ९ देखि ११ बजेसम्म खाना खाने समय छुट्याइएको छ । त्यस्तै खाजा भने प्याकेटमा दिइने भएको छ ।
