नेकपा एमालेका अध्यक्ष केपी शर्मा ओलीले केही राजनीतिक दलका मानिसहरुले आफू बाँचेकोमा चिन्ता व्यक्त गरेको टिप्पणी गरेका छन् । ललितपुरको गोदावरीमा जारी विधान महाधिवेशनमा आफ्नो कुराहरु राख्दै उनले यस्तो टिप्पणी गरेका हुन् ।
‘हाम्रा विरोधीहरुमा म बाँचिरहेकोले चिन्ता देखिएको छ। म बिरामी हुन्छु फेरि वाँच्छु, अनि चिन्ता भएको छ। अर्को कार्यकर्ताले धेरै माया गरेकाले चिन्तित छन्। बाँचेकैमा चिन्तित छन् त म के गरुँ?’ ओलीले भने।
त्यस्तै ओलीले कार्यकर्ताको विश्वासमाथि एक इन्च तलमाथि हुन नदिने बताएका छन् । कार्यक्रममा बोल्दै उनले भने, , ‘तपाईंहरूले ममाथि गर्नुभएको विश्वासप्रति धन्यवाद छ । कार्यकर्ताहरूको विश्वास एक इन्च तलमाथि हुँदैन ।’
उनले आगामी निर्वाचनमा आफूहरुले जित्नुपर्ने बताए । देश विकास गर्न नेकपा एमालेले बाहेक अरुले गर्न नसक्ने उल्लेख गर्दै उनले भने, ‘आगामी निर्वाचनमा नेकपा एमालेले जित्नैपर्छ, स्थानीय तह, प्रतिनिधिसभा जताततै एमालेले जित्नुपर्छ, देश विकाश गर्न एमालेले जित्नुपर्छ ।’
