काठमाडौं- बलिउड अभिनेत्री नेहा धुपिया दोस्रो पटक आमा बनेकी छन् । नेहाले आइतबार बिहान छोरा जन्माएको जानकारी उनका पति अंगद बेदीले सामाजिक संजालमार्फत दिएका छन् ।
नेहाले सुत्केरी हुनुभन्दा दुई घण्टा अगाडि बेबी बम्पसहित गराएको फोटो सुटको एउटा तस्बीर पोस्ट गर्दै लेखेकी थिइन्, ‘तिमीलाई आफ्नो काखमा लिन म अब पर्खन सक्दिनँ ।’ उक्त पोस्ट आएको दुई घण्टामै उनले छोरालाई जन्म दिएकी हुन् ।
सन् २०१८ मा बिहे गरेका नेहा र अंगदलाई त्यसको केही महिनापछि नै पुत्री मेहर लाभ भएको थियो । नेहा दोस्रो पटक आमा बनेकामा बलिउड सेलिब्रेटीहरूले बधाई ज्ञापन गरेका छन् ।
प्रतिक्रिया दिनुहोस्
