नेकपा एमालेको केन्द्रीय विभागका सचिव दामोदर अर्यालले यही असोज १५ देखि १७ सम्म भएको विधान महाधिवेशन सम्पूर्ण रूपले असफल भएको प्रतिक्रिया दिएका छन् ।
सोमवार सामाजिक सञ्जाल फेसबूकमा लेख्दै अर्यालले विधानमहाधिवेशन असफल भएको बताएका हुन् । केही समय अघिसम्म अध्यक्ष केपी शर्मा ओलीनिकट मानिने अर्याल पछिल्लो समय ओलीको एकलौटीविरुद्ध आवाज उठाइरहेका छन् ।
उनले सञ्जालमा लेखेका छन् –
१) निर्धारण गरिएका प्रतिनिधिहरु नआएपछि “जो आया, सो प्रतिनिधि” सिद्धान्त अनुसार हल भर्ने काम गरियो ।
२) सिद्धान्तका क्षेत्रमा काम भएन । प्रचण्डसङ्ग पार्टी एकता गर्दा आफैले त्याग गरेको जनताको बहुदलीय जनबादलाई फेरि ब्युताएर ब्यानर बनाईयो । जबज त्याग गरेको ठिक कि अहिले पुनः अङ्गिकार गरेको ठिक ? यसको बारेमा कसैले कुरा उठाउने जाेखिम मोलेन। सिद्धान्तका क्षेत्रमा जता भत्कियो त्यतै दैलोको परिस्थिति देखियो ।
३) बिधान अधिवेशनमा ब्यक्तिको देवत्वकरणकाे दृश्य यति घिनलाग्दो थियो कि सहभागीहरुले आफू कम्युनिस्ट भएको अनुभव गर्न सकेनन् । बिजुलिको पोलहरुमा केपि, स्वागत द्वारहरुमा केपि, पानीका बोतलहरुमा केपि, खाने थाल कचौरा र चम्चाहरुमा केपि, ट्वाइलेट पेपरहरुमा केपि । अधिवेशनहलमा केपिकाे सवारि राजा ज्ञानेन्द्रकाे सवारी झै देखिन्थ्यो ।
४) बिधान अधिबेशनको शानदार मन्चमा कार्लमाक्स,लेनिनको मात्र होइन, मदन भण्डारीको फोटाे समेत हटाइएको थियो । आयोजकहरुले महान कम्युनिस्ट नेताहरुको फाेटाे हटाएर अब एमाले कम्युनिस्ट पार्टी रहेन भनेर प्रष्ट संकेत गरेपनि सहभागी मध्य कतिले बुझे तर कतिपयले भेउ नै पाएनन् ।
५) अधिवेशन वरिपरिका क्षेत्रहरुमा ” आई लभ यु केपि बा” को नारा यति तिब्रताका साथ लागेको थियो कि सहभागीहरुले मार्क्सबाद,लेनिनवाद र जबजको नारा बिर्सन बाध्य भए ।
६) अधिवेशनभर बक्ताहरु आफ्नो सिद्धान्त, निति र आगामी कार्यक्रमभन्दा अरु पार्टीलाई गाली गर्न ब्यस्त देखिन्थे ।
७) अधिबेशन अबधिभर नेताहरूको अनुहारमा सत्ता गुमेको पीडा प्रष्टै देखिन्थ्यो । त्यतिमात्र हाेइन अनिश्चित भबिस्यप्रतिको चिन्ताले उनिहरुको अनुहार उज्यालो हुन दिएको थिएन ।
८) यो अधिवेशनले कम्युनिस्ट एकतातर्फ एउटा शब्द र एउटा अक्षर खर्च गरेन ।
मुलतः यो अधिवेशनले एमाले पार्टीलाई कम्युनिस्ट आन्दोलनबाट अझ टाढा पुर्याएको छ । यसले नेपाली कम्युनिस्ट आन्दोलनलाई क्षती पुगेकोले त्यहाँ भित्र रहेका असल कम्युनिस्टहरुले बेलैमा बिद्रोह गर्नुको कुनै विकल्प देखिएन ।
९) अधिबेशन अबधि भर गैर कम्युनिस्ट प्रतिनिधिहरुको चुरिफुरी हेर्न लायक थियो । गैर कम्युनिस्ट पार्टी बाट सोझै नेतृत्वमा भित्र्याउने कसरत अधिवेशन हल मै देखियो ।
१०) अन्त्यमा, यो अधिवेशनमा सहभागी सबैले प्रसिद्ध साहित्यकार सरुभक्तले लेख्नुभएको एउटा उपन्यास जस्ले मदन पुरस्कार पाएको थियो, पढन अनुराेध गरे ।
