काठमाडौँ । सत्तारुढ दल नेपाली कांग्रेसका तीन नेताबीच भेटवार्ता भएको छ ।
पार्टीको आसन्न १४ औं महाधिवेशनका विषयमा छलफल गर्नका लागि विमलेन्द्र निधि, डा.शशांक कोइराला र प्रकाशमान सिंहबीच भेटवार्ता भएको हो । उनीहरुबीच निधि निवास बानेश्वरमा छलफल भेटवार्ता भएको हो ।
महाधिवेशनमा विमलेन्द्र निधिले सभापति शेरबहादुर देउवालाई चुनौती दिंदै सभापतिमा उठ्ने निर्णय गरिसकेका छन् । उनी देउवाका विश्वासपात्र समेत हुन् । उनले बानेश्वरको थापा गाउँनजिकै सम्पर्क कार्यालय समेत खोलिसकेका छन् ।
अर्का नेता कोइरालाले पनि सभापतिमा देउवालाई हराउन भरपुर मात्रामा लागिरहेका छन् । विभिन्न कार्यक्रमहरुमा उनले देउवालाई हराउन आफू नै सभापतिको उम्मेदवारका रुपमा उठ्नुपर्ने बताउँदै आइरहेका छन् । उनले औपचारिक रुपमा उम्मेदवारीको घोषणा गरेका छैनन् तर उनी पनि सभापतिमा उठ्ने तयारी गरिरहेका छन् ।
तीन नेताहरुले यसअघि पनि बाक्लै भेटघाट गरिरहन्थे । उनीहरुले देउवालाई हराउने रणनीतिमा छलफल गरिरहेका छन् ।
यतिबेला काँग्रेसको वडा र नगर अधिवेशन हुने क्रम जारी छ कांग्रेस केन्द्रीय महाधिवेशन मंसिरमा हुँदैछ ।
