बलिउड अभिनेता शाहरुख खानका छोरा आर्यन खाको जमानत निवेदनमाथि बिहीबार मुम्बईस्थित किला अदालतमा सुनुवाइ हुँदैछ ।
सोमबार अदालतले आजसम्म हिरासतमा राख्न अनुमति दिएको थियो ।
आर्यनका साथ अरबाज मर्चेंट र मुममुन धमेचाको जमानतमाथि पनि आजै सुनुवाइ हुनेछ ।
एनसीबीले यो घटनामा बलिउड तथा केही धनाढ्यहरुको समेत कनेक्शन भएपनि कानुन अनुसार निष्पक्ष छानबिन गर्ने बताएको छ । मुम्बइको ड्रग कन्ट्रोल स्कार्डले शनिबार मध्यरातमा अप्रेशन सुरु गरेको थियो । समुन्द्रको बीचमा एक क्रुजमा ड्रग पार्टी चलिरहेको सूचना पाएपछि एनसीबीले छापा मारेको हो ।
यस घटनामा बलिउड र अन्य केही धनी व्यक्तिहरु शामिल छन्।
उनलाई सुनियोजित रुपमा फँसाउन खोजिएको भन्दै राजनीतिक दलका मानिसहरुले पनि आपत्ति जनाएका छन् । उनीसम्बन्धित थप आरोपहरु नभेट्टाए उनले आजै सफाई पाउने भएका छन् ।