राष्ट्रपति विद्यादेवी भण्डारीले आफ्नो सचिवालय हेरफेर गरेकी छन् । नौ महिना पहिला नै अवकाश लिएका राष्ट्रपतिका सुरक्षा सल्लाहकार नेत्रबहादुर थापालाई उनले पुनः नियुक्ति गरेकी हुन् ।
त्यस्तै नौ महिना पहिला हटाइएका भाषा तथा संस्कृतिविद माधव शर्मालाई पनि पुनः नियुक्ति गरिएको छ ।
उपसचिव हिरामणि आचार्यलाई भने बिदाइ गरिएको स्रोतले जनायो । त्यस्तै राष्ट्रपतिको स्वकीय सचिवालयकी दीपा शर्मालाई पनि हटाएर उनको ठाउँमा कसैलाई ल्याउने तयारी रहेको छ ।
कांग्रेस सभापति शेरबहादुर देउवा नेतृत्वको सरकार गठन भएपछि राष्ट्रपति कार्यालयले आफ्नो सचिवालय हेरफेर गर्नुलाई अर्थपूर्ण ढंगले हेरिएको छ ।
प्रतिक्रिया दिनुहोस्
