काठमाडौँ । सत्तारुढ दल नेपाली कांग्रेसका वरिष्ठ नेता रामचन्द्र पौडेलले आगामी चुनावमा एमालेसंग काँग्रेस एक्लै लड्न नसक्ने बताएका छन् । मंगलबार धादिङमा भएको एक कार्यक्रमलाई सम्बोधन गर्दै नेता पौडेलले यस्तो बताएका हुन् ।
नेकपा एमाले कमजोर नभई झन् बलियो हुँदै गएको नेता पौडेलको दाबी छ ।
कार्यक्रममा बोल्दै उनले भने, ‘एमालेसँगको चूनावी प्रतिस्पर्धा सामान्य छैन्, एमाले अझै कमजोर छैन्, एमाले सिंगै छ, फुटेको छैन् ।’
सर्वोच्च अदालतको परमादेशपछि हाल देशमा नेपाली काँग्रेसका सभापति शेरबहादुर देउवाको नेतृत्वमा गठबन्धन सरकार बनेको छ ।
गठबन्धनका शीर्ष नेताहरुले आगामी चुनावसम्म गठबन्धनलाई निरन्तरता दिने बताउँदै आएका छन् ।
प्रतिक्रिया दिनुहोस्
