काठमाडौँ । प्रधानन्यायाधीश चोलेन्द्र शमशेर राणा तत्काल राजीनामा नदिने संकेत गरेका छन् । मंगलबार १३ जना न्यायाधीशहरूसँग भएको छलफलमा आफुले राजीनामा नदिने बताएका हुन् ।
उनले आफू मात्र विवादित न्यायाधीश नभएका कारण अरुले राजीनामा नदिए आफूले पनि राजीनामा नदिने बताएका हुन् । मंगलबार सर्वोच्चको निकास खोज्न भन्दै उनले न्यायाधीशहरुसंग छलफल गरेका थिए ।
प्रधानन्यायाधीशले भने ‘विवादमा जो जो छन्, सबैले दिने हो भने सोच्न सकिन्छ, होइन भने सडकमा माग गर्दैमा राजीनामा दिन सकिन्नँ ।’
उनीमाथि राजनीतिक भागबण्डामा सामेल भएको आरोप छ । सर्वोच्च अदालतमा चोलेन्द्र पूर्णरुपमा एक्लिएका छन् । १४ न्यायाधीश उनको विपक्षमा रहेका छन् ।
प्रतिक्रिया दिनुहोस्
