चीनले भर्खरै आणविक शक्तिले सुसज्जित हाइपरसोनिक मिसाइल परीक्षण गरेको छ । धेरैले यसलाई हतियार क्षेत्रमा ठूलो उपलब्धि र ‘गेम-चेन्जर’ भनेर विचार गरिरहेका छन्, जसले अमेरिकी अधिकारीहरूलाई पनि निराश बनाएको छ ।
चिनियाँ सेनाले पछिल्ला केही समयमा दुई पटक यस्ता रकेट प्रक्षेपण गरिसकेको छ, जसले सम्पूर्ण पृथ्वीको परिक्रमा गरेपछि आफ्नो लक्ष्यलाई निशाना बनाएको छ । फाइनान्सियल टाइम्सले पहिलो पटक यससँग सम्बन्धित जानकारी दिँदै गुप्तचर विभागका स्रोतलाई उद्धृत गर्दै पहिलो पटक यो मिसाइल आफ्नो लक्ष्यबाट ४० किलोमिटर टाढा रहेको बताएको छ ।
चीनले यस प्रतिवेदनलाई गलत भनेको छ । यो पुरानो अन्तरिक्ष यान पुन: प्रयोगसँग सम्बन्धित परीक्षण भएको बताइएको छ ।
क्यालिफोर्नियाको मोन्टेरीमा रहेको मिडलबरी इन्स्टिच्युट अफ इन्टरनेशनल स्टडीजका पूर्वी एसिया अप्रसार कार्यक्रमका निर्देशक जेफ्री लुइसले चीनको इन्कार “एक भ्रमपूर्ण चाल” भएको बताए। उनका अनुसार अमेरिकी अधिकारीहरूले सञ्चारमाध्यमसँग कुरा गर्दा यो जानकारी सहि भएको भन्दै उनले यस्तो विश्वास गरेका हुन् ।
उनी विश्वास गर्छन् कि चीनले कक्षीय बमबारी प्रणालीको परीक्षण “प्राविधिक र रणनीतिक कारणले सम्भव छ ।”
आईसीबीएम लामो दूरीको क्षेप्यास्त्र हो जसले पृथ्वीको वायुमण्डलबाट बाहिर निस्कन्छ र त्यसपछि आफ्नो लक्ष्यलाई परबोला जस्तै प्रहार गर्न फर्कन्छ।
एफओबी अर्थात् फ्र्याक्सनल अर्बिटल बम्बार्डमेन्ट सिस्टमले मिसाइललाई पृथ्वीको परिक्रमा गर्छ र कुनै पनि दिशाबाट लक्ष्यलाई निशाना बनाउँछ ।
