सर्वोच्च अदालतका प्रधानन्यायाधीश चोलेन्द्र शमशेर जबराले सोमवार ६ वटा इजलास तोकेका छन् ।
जबराको राजीनामा माग गर्दै न्यायाधीशले इजलास बहिष्कार गरिरहेको अवस्थामा र बार एसोसियसनले आन्दोलन गरिरहेको अवस्थामा जबराले त्यसलाई उपेक्षा गर्दै इजलास तोकेका हुन् ।
उनले तोकेको ६ इजलासमा ७ वटा मुद्दाको पेशी रहेका छन् । उनले २ वटा एकल इजलास र ४ वटा संयुक्त इजलास तोकेका छन् ।
पेशी तोकेका सबै इजलासमा बन्दीप्रत्यक्षीकरणसँग सम्बन्धित रहेका मुद्दाहरू छन् । यसअघि न्यायाधीशहरू बन्दी प्रत्यक्षीकरणको मुद्दा सुनुवाई गर्न इजलास भने गएका थिए ।
यससँगै जबराको राजीनामालाई लिएर बारले आन्दोलनका नयाँ कार्यक्रमहरू घोषणा गरेको छ । यसअघि हातमा कालोपट्टी बाँधेर अदालत परिसरमा धर्ना दिएका बारका वकिलहरूले आजदेखि सोही कार्यक्रमलाई निरन्तरता दिने बताएका छन् ।
प्रतिक्रिया दिनुहोस्
