स्वतन्त्र राष्ट्रिय कानून व्यवसाय अभियानमा लागेका केही कानून व्यवसायीहरूले नेपाल बार एसोसियसनका अध्यक्ष चण्डेश्वर श्रेष्ठको कार्यकक्षमा ताला लगाउने भएका छन् ।
आफूलाई सोही अभियानको अभियन्ता बताउने अधिवक्ता कृष्ण प्रसाईले बारको परिसरमा भाषण गर्दै अध्यक्षको कार्यकक्षमा ताला लगाउने चेतावनी दिएका हुन् ।
‘चोलेन्द्रलाई मात्र होइन, सबैलाई महाभियोग लगाउनुपर्छ,’ उनले बाराको प्रांगणमा उभिएर भने, ‘हामीले बारले जसरी आन्दोलन गरिरहेको छ, त्यसको विरुद्धमा आन्दोलन गर्दैछौं । न्यायप्रणाली ध्वस्त भएको छ, चोलेन्द्रको कर्तुतबारे मात्र बोलेर हुँदैन ।’
उनले आज चेतावनी मात्र दिएको र भोलि श्रेष्ठको कार्यकक्षमा ताला लगाउने भन्दै तालासमेत देखाएका छन् ।
‘आज चेतावनी मात्र हो, भोलि अध्यक्षको कार्यकक्षमा ताला लगाउनेछौं,’ उनले भने ।
प्रतिक्रिया दिनुहोस्
