सर्वोच्च अदालत परिसरमा धर्ना दिएका वकिलहरूमध्ये वरिष्ठ अधिवक्ता बद्रीबहादुर कार्कीले गृहमन्त्री बालकृष्ण खाणलाई फोन गरेर आधा घण्टाभित्र प्रहरी हटाउन चेतावनी दिएका छन् ।
प्रधानन्यायाधीश चोलेन्द्र शमशेर जबरालाई अदालतमा छिर्न नदिने भन्दै बार एसोसियसनको आह्वानमा वकिलहरूले मूल गेटमा आज धर्ना दिएका थिए ।
‘वकिलहरूका कारण सर्वोच्च अदालत असुरक्षित हुँदैन,’ कार्कीले खाणलाई फोन गर्दै भने, ‘आधा घण्टाभित्र सुरक्षाकर्मी हटाउनुस्, नत्र राम्रो हुँदैन ।’
आजको धर्नामा झडपसमेत भएको थियो । झडपपछि ५ जनालाई प्रहरीले गिरफ्तार गरेको छ भने व्यापक मात्रामा सुरक्षाकर्मी परिचालन गरिएको छ ।
जबरा भने महान्यायाधिवक्ता कार्यालयतिरको वैकल्पिक बाटोबाट सर्वोच्च अदालत छिरिसकेका छन् ।
प्रतिक्रिया दिनुहोस्
