चिनियाँ कम्युनिष्ट पार्टीले राजनीतिक इतिहासमा राष्ट्रपति सी चिनफिङको स्थानलाई बलियो बनाउने ‘ऐतिहासिक प्रस्ताव’ पारित गरेको छ ।
यस दस्तावेजमा पार्टीको विगत १०० वर्षको इतिहासका साथै पार्टीका प्रमुख उपलब्धिहरू र भावी दिशाहरू पनि समेटिएको छ।
कम्युनिष्ट पार्टीको स्थापनापछिको यो तेस्रो प्रस्ताव हो । पहिलो प्रस्ताव सन् १९४५ मा माओ त्सेतुङले पारित गरेका थिए भने दोस्रो प्रस्ताव सन् १९८१ मा देङ सियाओपिङले पारित गरेका थिए ।
बिहीबार बसेको पार्टीको छैटौं महाधिवेशनले उक्त प्रस्ताव पारित गरेको हो । यो सम्मेलनलाई चीनको सबैभन्दा महत्त्वपूर्ण राजनीतिक बैठक मानिन्छ।
यसरी, सी जिनपिङ यस्तो प्रस्ताव जारी गर्ने चीनको तेस्रो नेता मात्र बनेका छन्। पार्टीको यो कदमको उद्देश्य सी जिनपिङलाई पार्टीका संस्थापक माओ त्सेतुङ र उनका उत्तराधिकारी देङ सियाओपिङको बराबरीमा राख्नु हो।
