भारतको मध्यप्रदेशको शाजापुरका नारायण सिंहले आफ्नी पत्नीको मृत्यु भएपछि पत्नीकै मन्दिर बनाएर दिनदिनै पूजा गर्न थालेका छन् ।
पत्नीशोकलाई उनले प्रेम गर्ने नयाँ तरिकामा रुपान्तरण गरेका हुन् । उनको यस्तो क्रियाकलापलाई स्थानीयले पत्नीप्रेम भन्दै सराहना गर्ने गरेका छन् ।
पत्नीको नाममा मन्दिर बनाएर उनले एक प्रतिमासमेत राखेका छन् । उक्त प्रतिमालाई उनी र उनका छोराले बिहान बेलुका पूजा गर्ने गर्दछन् ।
यो आइडिया उनका छोराले दिएका हुन् । छोराका अनुसार आमाको निधन भएपनि सधैं याद गर्नका लागि मन्दिर र प्रतिमा बनाइएको हो । यही पूजा आराधनामार्फत उनीहरूले मृतकलाई सम्झने गरेका छन् ।
गतसाल भारतको कर्नाटक राज्यबाट पनि यस्तै समाचार आएको थियो । पत्नीको मृत्यु भएपछि एक व्यक्तिले उनको सिलिकनको मूर्ति बनाएर सोही मूर्तिका साथ नयाँ घरमा प्रवेश गरेका थिए ।
प्रतिक्रिया दिनुहोस्
